Maroc - LA NUEVA ESPANA - Opinión - 07/Sep 02:00

Construyir país

El 8 de setiembre ye una fecha que debería tar llamada a reflexonar sobre lo que fuimos, somos y queremos ser les asturianes y asturianos. Como comunidá humana diferenciada y singular tenemos la nuestra problemática particular y los nuestros retos específicos. Hemos ser conscientes qu’un territoriu pequeñu, xeográfica y demográficamente, como Asturies tien mui poco pesu nel contestu estatal, lo que conlleva una debilidá política que frena’l nuestru desarrollu. Sociedaes como l’asturiana necesiten un poder políticu real y efectivu que seya quien a poder intervenir en tolos asuntos que-y afecten. Precisamos un autogobiernu amañosu que respuenda a les nuestres necesidaes y un Estatutu d’Autonomía modernu y competencialmente mayor qu’aumente la nuestra capacidá d’actuación política.